Милан и Барса започнаа преговори, но за се се прашува Мончи

Екипата на Барселона ќе се обиде во летниот преоден рок да го освежи својот напад. Многу фудбалери се поврзуваат со каталонскиот великан, а последното име на списокот е португалскиот репрезентативец Андре Силва.

Овој 23-годишен играч моментално е на позајмица од Милан во Севиља, каде на 36 натпревари постигна 11 погодоци.

Севиља скоро сигурно нема да го откупи за 35 милиони евра, колку што бара Милан, но затоа Барселона е спремна да ја издвои таа сума и преговорите наводно веќе започнале.

Сепак, прв избор на Барса се уште е Лука Јовиќ. За него се спрема понуда од 50 милиони евра, а ако не успеат да го донесат, скоро сигурно во дресот на Барса ќе го гледаме Португалецот.

Андре Силва како големо засилување стигна во Милан од Порто во 2017 година. Меѓутоа, во редовите на Росонерите не покажа апсолутно ништо и беше одлучено да го испратат на позајмица.

Сепак, последниот збор ќе го има спортскиот директор на Севиља, Мончи кој според договорот има опција да го откупи Силва на крајот на сезоната за 35 милиони евра.