МЗТ закажа полуфинале со Блакотехна во Купот на Македонија

Актуелниот македонски шампион, МЗТ Скопје славеше во дуелот против Фени Индустри со 115:68 во рамки на четвртфиналето во Купот на Македонија.

Аеродромци на стартот беа изненадени од одличната игра на Фени кој беше рамноправен противник на самиот старт.

Одличните и прецизни удари на Металците од линијата за три поени се покажаа како клучни, па така на полувреме „Штрковите“ на полувреме имаа предност од 64:49, а потоа убедливо славеа и на крајот.

Во таборот на МЗТ, Крафорд беше најефикасен, додека по 13 поени запишаа Трајковски, Лалиќ и Спасојевиќ. На спротивната страна пак, најефикасен беше Лоухорн со постигнати 23 поени.

По овој триумф во рамки на полуфиналето, МЗТ ќе се соочи против екипата на Блакотехна.