Меси откри која му е „Ахиловата пета“

Аргентинската супер-ѕвезда на Барселона, Лионел Меси изјави дека сака да биде поефикасен при изведувањето на удари од белата точка.

Тоа е елемент на фудбалската игра врз кој 31-годишниот Меси смета дека треба уште да поработи.

„Не сум задоволен од пеналите, би сакал да бидам поефикасен. Многу е тешко. Едно е да тренираш пенали, а друго е да ги реализираш за време на натпревар. Тука играат многу фактори. Може да имаш план како да шутираш, но кога ќе дојде моментот е потешко отколку што изгледа“, изјави Меси.

Статистиката на Меси кога се пеналите во прашање и не е така лоша – тој има реализирано 71 пенал од 88 обиди во кариерата.

Сепак, Аргентинецот сака да го доведе до перфекција и изведувањето на пенали, како останатите аспекти од играта.