Меси за се што се случуваше во текот на летото: Бурофаксот и сето тоа оставија последици

Лионел Меси изминатото лето беше многу блиску до заминување од Барселона.

Аргентинецот јавно побара од клубот да му се овозможи да замине, а после се што се случуваше на крајот остана. Поранешниот претседател на Барселона, Хозе Марија Бартомеу и неговото раководење на клубот беше најголемиот проблем на Меси. Бартомеу си замина, но се уште не е сигурно дека Меси ќе го продолжи договорот.

Сега Меси во разговор за „РАЦ“ зборуваше за таа ситуација.

„Се чувствувам добро. Навистина, летото беше тежок период. Се што се случуваше откако сезоната заврши, бурофаксот и сето тоа се пренесе и во новата сезона“.

На прашањето дали ќе замине на крајот од сезоната Аргентинецот не даде конкретен одговор.

„Се чувствувам добро тука и сакам да се борам за она што е пред нас. Возбуден сум и знам дека клубот помина низ тежок период, се околу клубот е многу тешко, но се радувам на наредните предизвици“, изјави Меси.

Комплетното интервју на Меси за „РАЦ“ ќе излезе за шест дена и сигурно ќе биде интересно да се прочита.