Меси денес доби уште два трофеи!

Носителот на „Златната топка“ Лионел Меси ја збогати колекција со уште два важни трофеи.

Ѕвездата на Барселона денес ја доби наградата „Пичичи“ за најдобар голгетер во Примера во сезоната 2018/19, како и наградата „Алфредо ди Стефано“ за најдобар фудбалер минатата сезона на Ла Лига.

Лео ја добива наградата „Пичичи“ по шести пат, а другата награда му се доделува по седми пат на Аргентинецот.

Меси не присуствуваше на денешната церемонија организирана од „Марка“, па наградите му беа донесени во спортскиот центар на Барселона.

Јан Облак беше избран за најдобар голаман во сезоната 2018/19, додека Јаго Аспас ја доби наградата „Телмо Сара“ за најдобар шпански голгетер.