Ѕвездата на ПСЖ, Килијан Мбапе задоцни на натпреварот во неделата против Марсеј, поради што тренерот Томас Тухел го казни и го остави на клупата за резерви.
Мбапе не се појави на време на последниот техничко-тактички состанок пред натпреварот кој бил закажан за 17 часот, четири часа пред почетокот на големото дерби.
Исхрана, повреди и тренинг – совети од доктор по спортска медицина | Уште еден поткаст
Според пишувањата на француските и шпанските медиуми, Мбапе задоцнил бидејќи не можел да се одвои од телевизорот. Гледал Ел Класико, а токму во 17 часот заврши првото полувреме.
Мбапе не е единствениот кој задоцнил на состанокот, со оглед што друштво му правел соиграчот Рабиот. Тухел и него го остави на клупата поради истите причини.
И двајцата фудбалери добија шанса во вториот дел, а Мбапе се истакна со прекрасен погодок кој го постигна само три минути по влегувањето во игра. ПСЖ славеше со 2:0 и остана на првото место со максимални 33 бода од 11 натрпевари.
Учество во игри на среќа е дозволено за лица со 18+ години. Играј одговорно!