Марота потврди: Ги сакаме Киеза и Тонали

Генералниот директор на Интер, Бепе Марота во интервју за „Газета дело Спорт“ зборуваше за трансфер плановите на „нероаѕурите“.

Марота призна дека Интер е заинтересиран за двата големи италијански таленти Сандро Тонали и Федрико Киеза. Сепак, истакна дека ќе биде исклучително тежок трансферот на ѕвездата на Фиорентина.

„Ги следиме двајцата фудбалери. Меѓутоа, Фиорентина постави висока цена за Киеза и практично е невозможен трансфер во такви услови. Што се однесува до Тонали, неговиот трансфер е полесен за реализација“, изјави Марота.

Марота исто така потврди дека Лаутаро Мартинез има откупна клаузула и може да го напушти клубот ова лето.