„Марка“: Реал Мадрид има три опции за наследник на Анчелоти

Шпанските медиуми пренесуваат дека Карло Анчелоти би може да добие отказ од Реал Мадрид ако не го освои Светското клупско првенство во Марока.

Реал Мадрид во утрешниот натпревар ќе игра против Ал Хилал и најавите се дека само со победа во овој дуел Анчелоти и понатаму ќе остане тренер на „кралевите“.

Реал во последнит пет недели дозволи Барселона да му побегне на големи осум бодови на врвот во Ла Лига. Во овој период Реал победи само на две од пет првенствени натпревари.

Шпанците тврдат дека нарушен е односот помеѓу Реал и Анчелоти по убедливиот пораз од Барселона во Суперкупот.

„Марка“ ги наведува и трите кандидати кои би можеле да го наследат Италијанецот. Во прв план се Раул, Чаби Алонсо и Алваро Арбелоа. Најголем фаворит е Раул кој има одлична сезона со вториот тим на „кралевите“, со јуниортите ја освои и Лигата на шампионите во 2020 година.