„Марка“: Пандев е лидерот, а македонските фудбалери се наследници на Филип Втори и Александар Македонски!

Најпознатиот спортски весник во Шпанија „Марка“ во краток текст ги најавуваше репрезентациите кои ќе играат ова лето на Европското првенство.

На Европското првенство како што е добро познато во македонската јавност ќе играме и ние, еве што „Марка“ напиша за нас.

„УЕФА имаше план да им даде шанса на помалите земји да настапат на Европско првенство, Македонија тоа го искористи и се најде на големата сцена. Македонија се пласираше преку баражите во Лигата на нации во 2018 година“.

Фудбалерите „Марка“ ги спореди со Филип Втори и Александар Македонски.

„Горан Пандев е лидерот на теренот, а наследниците на Филип Втори и Александар Македонски тргнаа како Пепелашка на Евро. Нивниот бунтовен карактер многу им помогна, а како предупредување за сите пред ЕП ја победија Германија во мундијалските квалифицикации“, пишува „Марка“.