„Марка“ го принуди и Атлетико да излезе со официјално соопштение

Од Баерн не демантираа ништо, но сега се огласи и Атлетико.

Јануарскиот преоден рок е се поблиску, па поради се појавуваат се повеќе шпекулации.

Вчера шпанска „Марка“ ексклузивно пренесе дека Лукас Ернандез ќе го засили Баерн Минхен за сума од 85 милиони евра колку што изнесува откупната клазула на фудбалерот.

Сега на оваа тема со официјално соопштение излезе и Атлетико Мадрид.

„По повод веста која ја објави „Марка“ за наводниот договор помеѓу Баерн и нашиот играчЛукас Ернандез, според која германскиот клуб ќе ја активира откупната клазула на францускиот фудбалер во јануарскиот преоден рок, Атлетико Мадрид сака да порача дека после разговор со клубот Ернандез ги демантираше таквите информации“, стои во соопштението од Атлетико Мадрид.

Значи, Атлетико тврди дека се и измислица на „Марка“, сепак Баерн ниту потврди, но не ни демантираше што сепак остава одреден сомнеж.