Манчестер Јунајтед тргнува по Перишиќ

Иван Перишиќ се врати во Интер после позајмицата во Баерн Минех, но јасно е дека за него нема место во тимот на Конте.

Италијанските медиуми тврдат дека интерес за Хрватот покажува Манчестер Јунајтед, кој ќе се обиде до крајот на преодниот рок да го донесе на „Олд Трафорд“.

Во текот на изминатата сезона, Перишиќ одигра 35 натпревари за Баерн Минхен, постигна осум погодоци со десет асистенции и ја освои тројната круна со Баварците.

За него нема повеќе место во Интер, па Јунајтед ќе се обиде да ја искористи таа ситуација. „Црвените ѓаволи“ се спремни да понудат 15 милиони евра за 31-годишниот фудбалер и се верува дека Интер ќе ја прифати таа понуда.

Јунајтед е во потрага по крилен напаѓач, а откако пропаднаа преговорите за Санчо сега ќе се обиде до поефтина опција.