Манчестер Јунајтед се откажа од Герет Бејл

И покрај тоа што често се поврзуваше со Манчестер Јунајтед, на Олд Трафорд не го сакаат Герет Бејл.

Јунајтед долго посакуваше да го донесе велшкиот репрезентативец од Реал Мадрид, но ESPN пренесува дека Манчестер се откажал од идејата да го купи крилниот напаѓач.

Бејл во последно време не е многу среќен во Мадрид, а со доаѓањето на Зинедин Зидан се зголемија шансите да замине од клубот.

Сепак, тој дефинитивно нема да се пресели во Јунајтед, бидејќи Црвените ѓаволи одлучија дека не им е неопходен, а исто така е и скап.

Бејл е член на Реал од 2013. година и со Кралевите освои четири ЛШ, а во 224 одиграни натпревари постигна 102 гола со 63 асистенции.