Манчестер Јунајтед ослабен против Милан

Напаѓачот на Манчестер Јунајтед, Маркус Рашфорд ќе го пропушти утрешниот дуел против Милан во осминафиналето од Лига Европа.

Солскјер нема да може да смета на неколку важни играчи. Повредени се уште Ван де Бек, Погба, Мата, а Де Геа е отсутен поради приватни причини. Исто така неизвесен е и настапот на Кавани.

„Мислам дека Маркус нема да биде спремен за утре. Тој не тренираше денес и ќе биде аут за Лига Европа, а под знак прашање и за викендот. Не сум сигурен дали некој од повредените ќе се врати, можеби Кавани“, изјави Солскјер.

„Го респектираме Милан, јас лично му се восхитувам на тој клуб. Имаат традиција, историја, квалитет и класа. Еден од најголемите клубови во светот и не очекува исклучителен натпревар“, додаде Солскјер.