Манчестер Сити го потопи Барнли во четвртото коло од ФА Купот (ВИДЕО)

Манчестер Сити лесно се пласираше во осминафиналето на ФА Купот откако денес на „Итихад“ го совлада Барнли со 5:0.

Без поголеми проблеми тимот на Пеп Гвардиола стигна до победа, а „граѓаните“ постигнаа пет погодоци.

Натпреварот го отворија во 23-тата минута. Погоди Габриел Жесус, тоа беше и резултатот со кој се замина на полувреме.

Второто полувреме донесе катастрофа за гостите. Бернардо Силва во 53-тата минута зголемува на 2:0, за осум минути подоцна Де Брујн да се запише во листата на стрелци.

Лонг со автогол зголеми на 4:0 во 73-тата минута, за точка на убедливата победа да стави Серхио Агуеро со голот од пенал во 85-тата минута од натпреварот.

ФА Куп 4-то коло (се игра втор натпревар во случај на реми)

Манчестер Сити – Барнли 5:0

Брајтон – ВБА 0:0

Донкастер – Олдам 2:1

Миделсброу – Њупорт 1:1

Њукасл – Вотфорд 0:2

Портсмунт – Квинс Парк Ренџерс 1:1

Шерсбери – Волвес 2:2

Свонси – Гилингам 4:1