Ливерпул го претстави првото засилување за ова лето!

Ливерпул вечерва објави дека нов играч на клубот е левиот бек од Олимпијакос, Костас Цимикас.

25-годишниот грчки интернационалец му се приклучи на новиот шампион во Премиер лигата откако денеска потпиша договор на Мелвуд.

Цимикас за атинскиот клуб дебитираше во декември 2015. година и од тогаш запиша 86 настапи за сениорската екипа во сите натпреварувања.

„Многу сум среќен, горд сум што сум овде. За мене ова е најголемиот клуб на светот. Чест ми е да бидам овде и ќе дадам се од себе.“ – изјави Цимикас за официјалната страна на Ливерпул.

Тој претходно играше како позајмен играч во Есбјерг и Вилем. Во октомври 2018. година дебитираше за Грција, а на Енфилд ќе го носи дресот со број 21.