Леклер со порака до Фетел: Ми беше чест да бидам твој тимски колега

Ферари утрово потврди дека Себастија Фетел на крајот од сезоната ќе го напушти италијанскиот тим.

Фетел во Ферари пристигна пред пет години од Ред Бул, но во болидот на легендарната екипа не блескаше многу. Иако неколку месеци преговарале околу продолжување на соработката на крајот Ферари и Фетел не успеале да постигнат договор.

Италијанскиот тим утрово ја потврди вест и ќе биде занимливо да се види кој ќе го наследи неговото место. Наводно, во игра се Карлос Саниц и Даниел Рикардо.

На Твитер се огласи и вториот возач на Ферари, Карлес Леклер, кој му се заблагодари на Фетел и порача дека многу научил од него претходната сезона.

„Беше голема чест да бидам твој тимски колега. Имавме неколку напнати моменти на стазата. Некои беа добри, а некои не завршија како што сакавме, но пред се тука беше почитувањето иако многумина не го видоа тоа. Никогаш не научив толку како претходната година од тебе. Ти благодарам Себ.“ – порача Леклер.

It's been a huge honor for me to be your team mate. We've had some tense moments on tracks. Some very good ones and some others that didn't end as we both wanted, but there was always respect, even though it wasn't perceive this way from the outside.
1/2 pic.twitter.com/cN0E9t3huw

— Charles Leclerc (@Charles_Leclerc) May 12, 2020

I've never learnt so much as I did with you as my teammate.
Thank you for everything Seb. pic.twitter.com/jRHEsvMYvg

— Charles Leclerc (@Charles_Leclerc) May 12, 2020