Легендарниот голман после девет години се враќа во Ајакс

Ajaкс го заврши првото засилување за наредната сезона.

Легендарниот холандски голман Мартин Стекеленбург се врати во Ајакс после точно девет години.

Стекеленбург не бранеше многу во Евертон поради што одлучи да се врати во татковината. По потврдата се огласи и самиот голман.

„Пресреќен сум што се вратив во клубот во кој ја започнав кариерата. И ја и моето семејство сакавме да се вратиме дома и ова е најдобар можен начин за враќање. Ајакс е клуб број еден и многу сум возбуден“, изјави Стекеленбург.

Инаку овој 37 годишен голман ги помина сите млади категории на Ајакс и за првиот тим бранеше од 2002 до 2011 кога премина во Рома. После две сезони во Рим се пресели во Фулам од каде што одеше на позајмици во Монако и Саутемтптон за Роналд Куман да го доведе во Евертон во 2016 година.

Сепак, за четири години во Евертон собра само 26 настапи и бидејќи на 30. јуни му истекува договорот тој одлучи да се врати во Холандија како слободен играч.