Левандовски: Се надевам дека политиката нема да замеша прсти за „Златната топка“

Ѕвездата на Баерн Минхен, Роберт Левандовски зборуваше за шансата да ја освои „Златната топка“.

Полскиот напаѓач минатата година важеше како фаворит, но поради пандијата доделувањето на наградата беше одложено.

„Знам дека секој добро одигран натпревар ми ја засилува позицијата во тоа гласање. Освоив многу награди во последните две сезони и покажав дека можам да се надевам и на Златната топка“.

„Сигурно ќе биде огромна чест да се добие таа награда. Се гордеам што сум меѓу кандидатите и се надевам дека политиката нема да замеша прсти во гласањето“, истакна Левандовски.