Лацио му го нанесе првиот пораз на Интер🎥

Лацио и Интер одиграа возбудлив натпревар на „Олпимпико“, домаќините со пресврт дојдоа до трите бода.

Интер подобро го отвори натпреварот и во 12-та минута стигна до предност. Барела беше фаулиран во казнетиот простор, а Перишиќ беше сигурен од белата точка.

Гостите го контролираа мечот до крајот на полувремето, но Лацио се закануваше во неколку наврати.

Во 64-та минута Лацио дојде до израмнување преку Имобиле, откако судијата покажа на белата точка после играта со рака на Бастони.

Филипе Андерсон погоди за целосен пресврт во 81-та минута, па настана мешаница бидејќи фудбалерите на Лацио не ја исфрлија топката додека на тревата лежеше Ди Марко.

Конечните 3:1 беа дело на Сергеј Милинковиќ Савиќ во 90-та минута.