Крос е против намалувањето на платите: Тоа е бескорисно!

Фудбалерот на Реал Мадрид и германската репрезентација Тони Крос ја коментираше ситуацијата во која бројни клубови ги намалуваат платите на играчите поради економските последици од пандемијата.

Во Барселона и Атлетико е догворено намалување на платите за 70%, а вчера беше потврдено и намалување во Реал. За разлика од Барселона, во Реал платите ќе се намалат помеѓу 10% и 20% во зависност од тоа како ќе се заврши сезоната.

„Јас сум против намалувањето на платите поради корона-кризата. Сметам дека сите треба да ја добиваат целата плата и да прават разумни работи со неа. Намалувањето на платите е бескорисно. Тоа е донација за клубот во кој играш, а не на болните и погодените“, изјави Крос.