Ерата на Роман Абрамович во Челзи заврши по 19 години и 20 освоени трофеи, а Тод Боли ќе биде нов газда на клубот од Лондон.
Она што по овие вести особено ги интересира навивачите на Челзи е тоа кој е Тод Боли, човекот кој доаѓа на местото на Роман Абрамович.
Дербија во Мадрид и Минхен: Последна шанса за Тен Хаг? ↓↓↓
Новиот сопственик е американски милијардер и освен што е еден од сопствениците на ЛА Доџерс и има сопственички удел во ЛА Лејкерс и ЛА Спаркс, управува и со холдингот Елдриџ Индустрис.
Тој во 2015 година учестувал во создавање на компанијата „Елдриџ“, а има акции во голем број медиумски компании. Исто така е сопственик на осигурителна компанија и ко-сопственик на многу други компании од спортот, технологијата, индустријата…
Што се однесува до спортот, има 20 отсто од акции во Лос Анџелес доџерс, а исто така е газда на Лос Анџелес спаркс, женскиот кошаркаски тим кој се натпреварува во ВНБА.
Со Марк Волтер во 2021 година презема 27 отсто од акциите во Лос Анџелес Лејкерс, а од февруари минатата година Лејкерс е проценет како трет највреден состав во НБА.
Од 2017 до 2021 година беше на листата на Tоп-500 највлијателни луѓе во светот по изборот на „Лос Анџелес Бизнис журнал“.