Конте: Не можев да спијам пред мечот со Барса

Менаџерот на Челзи, Антонио Конте имал бесони ноќи додека го подготвувал дуелот со Барселона во Лигата на шампиони.

Пред неколку дена „сините“ го победија Хал со 4:0 во натпревар од ФА Купот, а Конте призна дека после тоа не можел да спие.

„После натпреварот во купот ми беше тешко да заслијам. Кога играш вакви натпревари треба да се подготвиш на најдобар можен начин. Треба да се подготват сите детали. Имаме идеја, и јасен план во нашите глави“, истакна Конте.

„Во овој специфичен момент важно е играчите да бидат во најдобра форма. Треба да го дадеме најдоброто од себе си во овој меч. Нема да ни биде лесно, треба да бидеме внимателни и да ја играме нашата игра. Во овој дуел сме аутсајдери, тоа е сигурно“, заклучи Италијанецот.