Конте брутален: Мурињо е сенилен старец!

Менаџерот на Челзи, Антонио Конте денес спреми „брутален“ одговор за својот колега Жозе Мурињо кого го нарече „сенилен старец“.

Жозе Мурињо во четвртокот индирекно ги „пецна“ своите колеги Јирген Клоп и Антонио Конте со изјавата дека „не сака да изигрува кловн покрај аут линијата“.

Беше за очекување дека англиските новинари денес ќе го прашаат Конте што мисли за таа изјава, а Италијанецот имаше спремен одговор.

„Мислам дека малку треба да се сети што правеше тој во минатото. Не знам точно како се нарекуваше таа состојба кога почнувате да заборавате, но мислам дека станува збор за старечка деменција“, изјави Конте.

Antonio Conte hits back at Jose Mourinho ? pic.twitter.com/6wsoD9E0io

— B/R Football (@brfootball) January 5, 2018