Клубовите од втората лига бараат одложување на Изборното собрание на ФФМ

Денес на прес-конференција второлигашите во Македонија побараа да не се одржи Изборното собрание на Фудбалската Федерација на Македонија.

Клубовите од втората лигата бараат да биде формирана комисија во која ќе има и членови од АМС, ФФМ и претставници на клубовите и таа комисија да изработи нов Статут на Фудбалската федерација кој би бил усогласен со законот.

Во главно барањето на клубовите е Статутот на ФФМ да се усогласи со законот за спорт. Ако не се исполни ова нивно барање тие најавуваат бојкот на натпреварувањата.