Клубовите во ПЛ едногласно одлучија: Не сакаат пет измени!

Новата сезона во англиската Премиер лига ќе започне во септември, а ФА објави дека во неа ќе има неколку нови правила.

Првото правило кое ќе остане и во новата сезона е секоја екипа да има право на пет измени. Меѓутоа тоа баш и не им се допадна на клубовите кои во наредната сезона ќе играат во Премиер лигата.

Имено, клубовите денес одржаа состанок на кој учествуваа Лидс, ВБА и Фулам кои изборија враќање во Премиер лигата и едногласно порачаа дека се против правилото на пет измени.

Клубовите јасно порачаа декаа дека сакаат да се врати старото правило и секоја екипа да има право на три измени.

Исто така се изјаснија дека одобруваат ВАР повеќе да се користи во натпреварите за судиите да бидат сигурни дека носат правилни одлуки.