Клуб од Серија А порача: Сезоната нема смисла, ние одбиваме да играме

Италија е една од најпогодените земји од коронавирусот, но фудбалските власти инсистираат дека Серија А мора да биде завршена и плановите се првенството да продолжи кој крајот на мај и почетокот на јуни.

Сепак, не се сите клубови задоволни од таквата одлука, па сопственикот на Бреша, Масимо Челино одбива неговиот тим да игра фудбал, дури и по цена да биде исфрлен од лигата.

„Сезоната нема смисла, мора да ја запреме затоа што ниту еден тим нема да биде ист, нема да има публика, а станува збор и за здравјето на фудбалерите“.

„Ако не присилат да играме, подготвен сум на своите играчи да им забранам настап и подготвен сум секој меч да го загубиме со 3:0 поради почит кон граѓаните на Бреша и нивните сакани кои веќе ги нема“, истакна Челино.