Клоп јасен и гласен за доаѓањето на Мбапе

Тренерот на Ливерпул, Јирген Клоп денес се изјасни и потврди дека Ливерпул ова лето нема да го доведе Килијан Мбапе. 

Откако Мбапе го одби клубот од Саудиска Арабија, Ал Хилал, кој за едногодишен договор му нудеше 259 милиони фунти, се шпекулираше дека може да направи трансфер на Енфилд.

Мбапе влегува во последната година од договорот со Парижаните и следното лето може да го напушти клубот без обезштетување, па управата и самиот фудбалер бараат решение.

„Се смееме на тоа. Можам да кажам дека е одличен играч, но финансиските услови нас воопшто не ни одговараат. Засега не сакам да ја расипувам приказната, но колку што знам, ништо од тоа. Можно е некој од клубот да спрема нешто и да сака да ме изненади. Тоа не се случило во овие осум години колку што сум овде. Тоа би било прв пат“ рече Клоп.

Управата на ПСЖ му даде рок на Мбапе да одлучи дали ќе ја активира клаузулата и дали ќе го продолжи договорот на уште една година.