Клоп: Ливерпул ќе биде силен, ќе донесеме нови засилувања

Ливерпул успеа да ги донесе двете посакувани засилувања во средниот ред во Алексис Мекалистер и Доминик Собослаи, но Клоп е убеден дека на неговиот тим му се потребни дополнителни засилувања.

Клоп ги смири фановите и им порача дека Ливерпул ќе има силен тим оваа сезона и дека до крајот на преодниот рок ќе пристигнат нови засилувања.

„Имаме уште многу работа, а преодниот рок е во тек. Ако денот ми траше 28 часа, ќе имав со што да ги пополнам. Фокусот ми е на тренинзите, а по нивното завршување можам да му помогнам на клубот и во други активности“.

„Имаме уште помалку од еден месец до првиот натпревар, а во тој период очекувам да се случат одредени важни работи. Јасно е дека ни требаат уште неколку засилувања, но ќе имаме силен тим“, изјави Клоп.