Менаџерот на Ливерпул, Јирген Клоп смета дека трансферот на Нејмар во ПСЖ за 222 милиони евра треба да служи како предупредување за Барселона, бидејќи Лео Меси има клаузула од 300 милиони евра.
„Едноставно е, до сега такво нешто изгледаше невозможно, но сега погледнете ја листата со клаузули, видете Лео Меси – 300 милиони, и тоа делува многу реално, отколку што изгледаше пред еден месец. Тоа порано беше нереална бројка, случајно и ја одредија, во стил: ‘Кој би платил 300 милиони?’, а сега видовме дека такво нешто се случи“, изјави германскиот стратег.
Александар Вучковски - сомелиер: Како македонските вина го освојуваат светот? ↓↓↓
Трансферот на Нејмар крена многу прашина, Барселона и Ла Лига се закануваат дека ќе го тужат ПСЖ поради кршење на финансискиот фер-плеј, а се разговара и за нови прописи.
„Едноставното решение би било правилото – каде сакаме да одиме и каде сето ова мора да престане… Најголемите клубови тоа и можат да го одлучат, каде сакаат да ја стават границата – 150 милиони или 550 милиони, и потоа никој не би се жалел“
Трансферот на Нејмар го направи ПСЖ реален кандидат за трофејот во Лигата на Шампионите, но Клоп вели дека фудбалот не се само ѕвезди.
„Го сакам фудбалот, бидејќи во него едни од други правиме да бидеме посилни, можеме да развиеме тим – најдобриот играч на едната и на другата страна го прват најдобар и оној во средината“, заклучи Клоп.
Ливерпул во првото коло од Премиер лигата игра со Вотфорд во гости во сабота од 13:30.
Учество во игри на среќа е дозволено за лица со 18+ години. Играј одговорно!