Италијанците откриваат: Сопругата на Модриќ е причината поради која тој може да заврши во Интер!

Навивачите на Интер сонуваат за Лука Модриќ и денес продолжуваат вестите поврзани со потенцијалниот трансфер на Хрватот во Серија А.

Утрово во медиумите се појави веста дека Лука Модриќ кој во овој момент е во Италија (на одмор), сака трансфер во редовите на Интер, а се би требало да биде појасно после најаваниот состанок помеѓу него и Перез кој е закажан за идната недела.

Сега на Апенините стигнаа до информации дека ако Модриќ го засили Интер големи заслуги ќе одат на неговата сопруга која е и негов агент, Вања Босниќ.

Имено, таа заедно со останатите претставници на Модриќ одржала разговор со управата на Интер и наводно им се обратила со следните зборови: „Го сакате ли Лука Модриќ“?

Ситуацијата дополнително ја подгреа фотографијата од Мундијалот која ја објави Брозовиќ, а истата сега и тоа како доби актуелност. На споменатата форографија, Брозовиќ се ракува со Модриќ, а додаден е и опис: „Падна договор“…