Иско се предомисли: Среќен сум во Реал Мадрид!

Ѕвездата на Реал Мадрид, Иско ја отфрли можноста да го напушти „кралскиот“ клуб во зимскиот преоден рок.

Иднината на Иско е главна тема во шпанските медиуми веќе подолго време бидејќи го загуби местото во стартниот тим и изјави дека не е задоволен од својот статус.

Поради тоа се погласни беа шпекулациите за негово заминување од „Сантиаго Бернабеу“ уште во зимскиот преоден рок.

Сепак, шпанскиот плејмејкер сега се предомисли и тврди дека е среќен во Реал Мадрид.

„Не размислувам за зимскиот преоден рок бидејќи нема да правам трансфер. Многу сум среќен, и мојата цел е да освојам многу трофеи во Реал Мадрид“, истакна Иско.

За него силен интерес покажуваат клубовите од Премиер лигата како и Јувентус и ПСЖ.