Инфатино: Фудбалскиот сојуз на Италија работи одлично

Претседателот на Светската фудбалска федерација (ФИФА) Џани Инфатино денес застана во одбрана на првиот човек на италијанскиот сојуз Карло Тавекио.

„Сметам дека е неправедно и смешно да им се суди на луѓето во италијанскиот сојуз поради еден лош резултат, без оглед на тоа колку тој е сериозен. Имам одличен однос со Тавекио и ја почитувам неговата работа. Тој старомодна личност, но отворен е за нови работи и способен е да работи во интерес на фудбалот во Италија“, изјави Инфантино за „Газета Дело Спорт“.

Иначе позицијата на Тавекио е загрозена бидејќи оваа земја после 60 години за прв пат нема да игра на едно Светско првенство.

Инфатино потоа ја пофали и работата на сојузот.

„Доказ за нивната добра работа е проектот ВАР кој е од круцијалнот значење за фудбалот и неговата иднина. Буџетот на сојузот е сосема добар, лигата одлична, но и уште неколку други проекти покажуваат дека добро работат. Секако, ја разбирам болката на Италијаните, но доколку ударот на Матео Дармијан завршеше во гол, се ќе беше во ред“, заврши Инфантино.