Инфантино бара жестока казна за навредите кон Влаховиќ

Претседателот на Светската фудбалска федерација (ФИФА) Џани Инфантино се огласи на друштвените мрежи по повод расистичките навреди од навивачите на Аталанта на сметка на напаѓачот на Јувентус, Душан Влаховиќ.

Навивачите на Аталанта навредливо скандаираа кон Влаховиќ во текот на мечот, а во еден момент судијата Даниеле Довери го прекина мечот за да прекинат навредите. На крајот српскиот напаѓач им одговори со гол во финишот.

„Расистичките навреди на навивачите на Аталанта кон Влаховиќ се неприфатливи. Ова не е изолиран случај и ги повикувам одговорните казните да бидат жестоки.

ФИФА е со Влаховиќ како и со секој друг играч, тренер, судија, навивач или било каков учестник во фудбалски натпревар кој доживеал такви навреди“, изјави Инфантино.