Интер тргнува по Марсијал

Примарна цел на Интер во летниот преоден рок ќе биде доведување на врвен напаѓач.

Алексис Санчез сигурно ќе го напушти клубот, Џеко е веќе на залез на кариера, па раководството сака да донесе нов напаѓач.

„Газета дело Спорт“ пренесува дека миланскиот гигант повторно се насочува кон Антони Марсијал за кого интерес покажуваше и во минатото.

Марсијал во јануари се пресели во Севиља на позајмица, но без право на откуп, па на лето сигурно ќе се врати во Манчестер Јунајтед.

Интер и во минатото покажуваше интерес и верува дека сега е идеален момент да испрати понуда за Французинот.