Интер падна во Болоња, Милан останува лидер

Интер пропушти шпанса да се искачи на врвот на табелата и доживеа изненадувачки пораз во Болоња (2:1).

Мечот почна одлично за „нероаѕурите“ и уште во 5-та минута дојдоа до водство со голот на Перишиќ.

Болоња се ослободи од почетниот шок и во 28-та минута дојде до израмнување со голот на Арнаутовиќ.

Во второто полувреме Интер се обидуваше да дојде до победа, но следуваше вистинско шок  во 82-та минута кога голманот Раду направи кардинална грешка и Сансоне погоди за победа од 2:1.

Сега Милан останува лидер на табелата со два бода повеќе на четири кола до крајот, а со ист број бодови шампиони ќе бидат „росонерите“.