Интер не се откажува од Канте

Нголо Канте беше голема желба на Интер во летниот преоден рок, но „нероаѕурите“ не успеаа да го донесат Французинот во Милано.

Вчера „Паризиен“ информираше дека Канте не е во добри односи со тренерот Лампард и побарал од раководството да ја промени средината.

Неодамна Канте влегол во конфликт со тренерот Френк Лампард, после тоа Французинот донел конечно одлука да го напушти Челзи што е можно поскоро и преку својот агент го известил раководството на „сините“.

Интер сака да ја искористи таквата ситуација и да го донесе на „Џузепе Меаца“ во јануари, бидејќи е голема желба на тренерот Конте.

„Нероаѕурите“ веќе спремаат понуда, а како дел од трансферот Скриниар може да заврши на „Стенфорд Бриџ“.