Играчот за врска на Англија го напушти кампот: Семејството е најважно

Репрезентативецот на Англија, Фабијан Делф го напушти кампот на репрезентацијата и утрово се врати назад во Англија.

Имено, Делф доби дозвола од селекторот Саудгејт без проблеми да се врати во својот дом бидејќи неговата сопруга е трудна и наскоро на свет ќе го донесе неговото трето дете.

„Не постои ништо поважно од семејството, за мене тоа секогаш е најважно и на прво место. Многу сум му благодарен на селекторот за разбирањето“, изјави Делф при напуштањето на кампот.

Делф во вчерашниот последен натпревар од групната фаза одигра 90 миунути, а детето кое наскоро треба да пристигне на свет е негово трето.

Англичаните во продолжение од Мундијалот ќе останат со еден играч помалку.