Зидан со одговор до ПСЖ: Мбапе самиот го кажа тоа, а јас ќе го кажувам колку пати сакам

Зинедин Зидан неодамна ја налути управата на ПСЖ со коментар за ѕвездата на тој Килијан Мбапе.

Имено, веќе со месеци се шпекулира за потенцијалниот обид на Реал да го доведе, а Зидан на таа тема прокоментира дека знае дека на Мбапе му е сон да заигра за Реал.

Тоа предизвика реакција кај спортскиот директор на ПСЖ, Леонардо.

„Малку ме иритира сетоа тоа. Не се случува прв пат и станува досадно. Килијан е важен за нас. Има уште две ипол години од договорот и лудо е да се зборува за некои соништа. Дајте да престанеме со тоа“, изјави Леонардо неодамна.

Сега доби одговор од Зидан.

„Само го кажав она што го Мбапе го кажа. Самиот кажа дека сонува да игра за Реал Мадрид. Ќе го кажам тоа и повторно и уште колку пати сакам“, одговори Зидан.