Зидан потврди: Набрзо може да не бидам слободен

Зинедин Зидан е без ангажман после заминувањето од Реал Мадрид, а сега истакна дека е спремен да се врати на тренерската работа.

Зидан истакна дека нема конкретна понуда за ангажман, но работите можат да се променат набрзо.

„Сакам повторно да бидам тренер. Можеби ќе бидам слободен до јуни, но работите можат многу брзо да се променат“, изјави Зидан.

Французинот минатото лето ги одби понудите на ПСЖ и Манчестер Јунајтед бидејќи сакаше да ја преземе француската репрезентација, но Дешамп остана на селекторското место.

Сега како фаворит за неговиот потпис повторно се смета ПСЖ, кој сака да го замени Галтие токму со Зидан.