Замина во Кина по богатство, а сега „флертува“ со својот поранешен клуб

Фудбалерот кој во овој момент е член на Шангај во Кина, размислува за враќање во Европа.

Поранешниот фудбалер на Челзи, Оскар замина по богатство во Кина, но Европа веќе му недостасува.

Оскар го напушти Челзи кон крајот на 2016 година и премина во Кина за огромна сума на пари, „сините“ добија 70 милиони евра, но и Бразилецот стана еден од најплатените во светот, сепак тој сега истакнува дека сака да се врати.

Веројатно Оскар сфатил дека не е се во парите, но можеби и смета дека заработил доволно.

„Би бил среќен доколку се вратам. Секако би сакал тоа да биде повторно во Челзи, но не знам дали сеуште вратата на тој клуб е отворена за мене“, изјави Оскар за медиумите во Бразил.