За мечот со Грузија Македонија може да добие засилување во нападот од МЛС лигата!

Македонија за финалето со Грузија можно е да има засилување во нападот – Даниел Мусовски кој игра во американската МЛС за тимот на Лос Анџелес!

Доколку административно се помине во најдобар ред и навреме во однос на неговиот македонски пасош (неговите родители имаат македонски пасош), тогаш Дани Мусовски би бил во конкуренција за настап на ноемвриските натпревари на македонската репрезентација. 

– Навистина ми е драго што Дени прифати да игра за Македонија, имавме искрен разговор и го очекуваме во нашиот тим на следните предизвици во ноември. Ќе ја зголемиме конкуренцијата во офанзивниот дел од тимот и мислам дека ќе биде од корист за сите. Неговиот ефект во Лос Анџелес е одличен. Наша обврска е да се обидеме да ја зголемиме конкуренцијата во тимот со фудбалери кои ќе донесат квалитет и ќе придонесуваат за подобри резултати. Се надевам дека Мусовски ќе го донесе токму тоа во нашата селекција“, изјави Ангеловски.