За Барселона вчера заигра дете од 16 години

Mладиот фудбалер на Барселона, Ансу Фати вчерашниот датум ќе го памети до крајот на животот.

Овој талентиран фудбалер од Гвинеја-Бисао дебитираше за каталонскиот тим и стана вториот најмлад дебитант во историјата на клубот.

Ансу на терен влезњ во 78-та минута и до крајот одигра солиден натпревар, успеа да упати и еден шут кој заврши покрај стативата од голот на Бетис.

Со 16 години и 298 дена тој стана вториот најмлад дебитант во историјата на клубот, а првиот ќе биде тешко да се симне од врвот.

Тоа е Паулињо Алкантара. Тој дебитираше за клубот пред скоро 100 години, односно 1921 и имаше 15 години, четири месеци и 18 дена.

Алкантара е еден од најдобрите играчи во историјата на клубот, постигна 367 голови на 357 натпревари.