Жестоки критики за Фернандеш: Плачко не може да биде капитен на Јунајтед

Манчестер Сити го надигра Манчестер Јунајтед и славеше во дербито на колото во Премиер лигата со 0:3.

По крајот на натпреварот легендарниот Рој Кин имаше критики за капитенот Бруно Фернандеш.

„Откакои повторно го гледав што прави сто посто сум сигурен дека би му ја одземал капитенската лента. Свесен сум дека тоа би била голема одлука која може да донесе потрес во тимот, но едноставно не може да биде капитен. Тој е талентиран, никој тоа не го доведува во прашање, меѓутоа повторно гледав како се жали и плаче на одлуките на судијата. Тоа е нешто што е неприфатливо за еден тим како Јунајтед.

Плачлко не може да биде капитен на Јунајтед. Јас промените би ги започнал со смена на капитенот. Ќе потворам Фернандеш е одличен играч, но е спротивност од она што треба да биде еден капитен“, изјави Кин.