ЕУРО анализа: Украина – Австрија, на двете селекции им одговара реми, УЕФА со право стравува од очекуван резултат

Украина во денес игра со Австрија во групата Ц на ЕУРО 2020. Овој меч привлекува огромно внимание ширум Европа, но не поради атрактивноста на двете нации, туку поради можноста мечот да заврши со очекуван резултат.

Двете селекции имаат по три бода откако ја совладаа Македонија и загубија од Холандија на нивните два воведни натпревари, така што нерешен резултат ќе ги однесе двете селекции во нокаут-фазата. Тоа е доволна причина, УЕФА да стравува дека мечот ќе заврши уште пред реално да започне.

Украина сака реми

Откако загубија со 3:2 од Холандија на нивниот воведен натпревар, Украина се врати со победа од 2:1 против Македонија во четвртокот.

Андриј Јармоленко и Роман Јаремчук, кои погодија во поразот од тимот на Франк де Бур, се запишаа уште еднаш во листата на стрелците за време на удобното прво полувреме против Македонија, но ударот на Езгјан Алиоски од белата точка значеше нервозен финиш на натпреварот.

Сепак, избраниците на Андриј Шевченко успеаја да го одржат водството до крајот, што значеше дека пола работа за нив е веќе завршена.

Поради постигнатиот гол повеќе од Австријците, нерешениот резултат ќе гарантира прогресија на Украина во осминафиналето од второто место, па останува да видиме дали Шевченко ќе ја постави својата екипа на попретпазлив начин отколку што досега видовме.

Австрија еднаш беше вмешана во скандал

За Австрија, играњето на нерешен резултат би била поризична стратегија, бидејќи тоа би значело дека тие ќе се надеваат дека ќе бидат една од четирите најдобри третопласирани селекции кои ќе ја минат групната фаза. Но реалноста вели дека со четири бода, речиси и да не постои варијанта која ќе ги испрати дома, со оглед на тоа што една или две третопласирани екипи од други групи најверојатно ќе имаат максимум три бода (или можеби четири бода со негативна гол разлика). Затоа Австрија нема да се залетува премногу па исто како и Украина ќе биде претпазлива и повеќе ќе размислува на свјот, отколку на противничкиот гол.

Доколку Украина и Австрија во суштина играат нерешено како што предвидуваат многу експерти, тоа не би било првпат репрезентацијата на Австрија да се вмеша во слично контроверзно сценарио.

Во својата група против Западна Германија на Светското првенство во 1982 година, обете нации знаеја дека победа на Западна Германија со еден или два гола ќе им гарантира прогресија на двете селекции во нокаут фазата. Западна Германија поведе по 10 минути, а ниту една од екипите не се обиде да нападне во текот на целиот натпревар.

Прогноза

Да се ​​надеваме дека нема да видиме сличен спектакл како во 1982 година и во понеделник. Но од обложувачки аспект, овој меч не може да се одигра никако на друг начин, освен со Х. Можете да се обидете и на голови, но секако дека треба да се одбегне тип на победа на било која селекција. Впрочем коефициентот за Х паѓа постојано и во моментов е само околу 2.00.

ТИП: Украина – Австрија – Х @ 2.00 во Bet365