Искусниот камерунски напаѓач, Самуел Ето пронајде нов клуб откако се одлучи да го напушти труски Коњаспор каде што беше соиграч со македонскиот напаѓач, Адис Јаховиќ.
Поранешниот напаѓач на Барселона претходните неколку сезони играше во Турција, но ова лето се одлучи повторно да ја промени средината. Искусниот 37 годишен фудбалер се уште не сака да се пензионира, па кариерата ќе ја продолжи во Катар, во дресот на Катар Спорт Клуб.
Александар Вучковски - сомелиер: Како македонските вина го освојуваат светот? ↓↓↓
Ето потпиша договор на една година, а денес ќе биде претставен и пред навивачите. Така Камерунецот им се придружи на поранешните соиграчи Чави и Весли Снајдер кои исто така играат во Катар.
Овој 37 годишен фудбалер четири пати во кариерата беше прогласуван за најдобар фудбалер на Африка, а со Барселона и Интер ја освои Лигата на шампионите. Во Англија го носеше дресот на Челзи и Евертон, краток период настапуваше и во Русија за тимот на Анжи.
Претходните сезони играше во Турција за Анталиспор и Коњаспор.
Учество во игри на среќа е дозволено за лица со 18+ години. Играј одговорно!