Вечерва на стадионот „Сан Паоло“ беше одигран натпреварот од четвртфиналето во Купот на Италија. Наполи кој е во лоша форма го пречека Лацио кој пак игра одлично.
Натпреварот имаше навистина бурен старт. Лоренцо Инсиње го отвори резултатот уште во втората минута. Веќе во 9. минута Лацио доби прилика да изедначи, меѓутоа Имобиле катастрофално го изведе ударот од белата точка.
Пред дербито, падна најважниот потпис во Манчестер Сити! ↓↓↓
Десет минути подоцна Наполи остана со играч помалку, исклучување заработи Хисај кој доби втор жолт картон. Шест минути подоцна видовме ново исклучување овој пат од редовите на Лацио, Лукас Леива како и Хисај со вториот жолт картон предвреме го заврши натпреварот.
Во продолжение гледавме нешто помирен натпревар. Финишот на натпреварот донесе возбудвања, видовме две погодени стативи, по една на двете страни. Треба да се спомене и дека Лацио два пати ја тресеше мрежата, меѓутоа во двете ситуации имаше офсајд.
Елиф Елмас денес од Гатузо добие дваесетина минути, нашиот фудбалер во игра влезе во 67. минута.
Учество во игри на среќа е дозволено за лица со 18+ години. Играј одговорно!