Дојде редот и на „Моцарт“ – Андреа Пирло даде свое мислење за контроверзниот пенал

Иако поминаа веќе два дена во фудбалскиот свет се уште се зборува за контроверзниот пенал досуден во корист на Реал Мадрид во ¼ финалето од Лигата на шампионите

Свое мислење даде и Андреа Пирло кој помина долг период во редовите на Јувентус.

„Дали беше пенал? Мислам дека би можело да биде“, изјави Пирло и додаде:

„Но го разбирам Буфон и јас да сум на негово место би полудел. Сметаше дека е оштетен, но мораме да го разбереме и тоа што ова е негова последна сезона во Лигата на шампионите и силно сакаше да го освои трофејот по прв пат во својата кариера“.

„Оваа елиминација ќе има последици, а разочарувањето ќе остане, но веќе после само неколку дена Јувентус ќе мора своето внимание да го насочи кон лигата и купот“, заврши популарниот „Моцарт“.

Андреа Пирло на почетокот на оваа година се прости од фудбалот на својата 38 година. Во Јувентус играше од 2011 до 2015 година.