Добри вести за Гвардиола – најголемата ѕвезда почна со тренинзи!

Најдобриот играч на Манчестер Сити од минатата сезона, Кевин де Брујн денес ги обнови тренинзите и почна да тренира со остатокот од тимот.

Де Брујн се враќа после шест недели од тешката повреда на коленото. Првичните очекувања беа 27-годишниот Белгиец да отсуствува од терените околу 3 месеци, но сега е јасно дека тој ќе се врати во игра многу побрзо.

Од штабот на Гвардиола се уште немаат официјално потврдено дали Де Брујн ќе може да игра на некој од наредните два меча – со Хофенхајм во Лигата на шампиони или при гостувањето во Ливерпул во недела.

Де Брујн е многу важен фудбалер за „граѓаните“ и минатата сезона одигра клучна улога во освојувањето на титулата со 12 гола и 21 асистенција.

He's back!!!

A return to training for @DeBruyneKev! ?#MondayMotivation pic.twitter.com/iLOQOBwxn8

— Manchester City (@ManCity) October 1, 2018

https://youtu.be/v4cU9l-oS-M