Димитриевски брани во врвна форма, рекорд за Рајо по бројот на најмалку примени голови

Рајо Ваљекано игра одлична сезона во Примера, а големи заслуги за таквата сезона има македонскиот репрезентативен голман Столе Димитриевски.

Веќе подолг период Димитриевски и за Македонија и за Рајо брани на врвно ниво, се уште се свежи сеќавањата на неговиот одбранет пенал против Мемфис Депај со кој му „пресуди“ на Роналд Куман.

Меѓутоа Столе е одличен од почетокот на сезоната. Рајо по 15 одиграни кола има гол-разлика 23:16 и се наоѓа на високото шесто место на табелата. Гол-разликата, поточно бројот на примени голови е најдобар во клупската историја. До оваа сезона рекордот по 15 кола на Рајо беше 18 примени гола и тоа остварен во сезоната 1978/79. Сега се на два помалку.

Следното коло Рајо ќе го пречека Еспањол, но претходно ќе игра во шпанскиот куп.