Дибала: Среќен сум, горев од желба да постигнам гол за Рома!

Рома игра одлично оваа сезона, а синоќа ја оствари третата победа во Серија А, откако беше подобра од Монца со 3-0.

Играч на мечот дефинитивно беше Пауло Дибала, кој постигна два гола за Рома и така веднаш го покажа својот квалитет откако летово пристигна во Рим.

„Горев од желба да постигнам гол. Среќен сум поради победата, но имаме напорен распоред сезонава и ќе ни треба време за да го исполниме целиот потенцијал.

Ова е силна група на фудбалери, која се чувствува одлично по освојување на Конференциската лига на УЕФА“, кажа Аргентинецот.